Молитвы священномученику Антипе, епископу Пергамскому
Избавление от зубной боли и болезни.
О, преславный священномучениче Антипо и скорый помощниче христианом в болезнех! Верую от всея души и помышления, яко дадеся тебе от Господа дар болящия врачевати и разслабленныя укрепляти, сего ради к тебе, яко благодатному врачу болезней, аз немощный (или немощная) прибегаю и, твой досточтимый образ со благоговением лобызая (или лобызающи), молюся: твоим предстательством у Царя Небеснаго испроси мне болящему (или болящей) исцеление от удручающия мя зубныя болезни, аще бо и недостоин (или недостойна) есмь тебе благостнейшаго отца и приснаго заступника моего: но ты, быв подражатель человеколюбия Божия, сотвори мя достойна (или достойну) твоего заступления чрез мое обращение от злых дел к благому житию: уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да тако тихое и безмолвное житие пожив (или поживши) во всяком благочестии и чистоте, сподоблюся со всеми святыми славити Всесвятое имя Отца и Сына и Святаго Духа. Аминь.
Личное прошение
О, Архиере́ю Бо́жий, священному́чениче Анти́по, услы́ши мя, гре́шнаго раба́ твоего́ (имя), в час сей, в о́ньже тебе́ моле́ние приношу́, и помоли́ся о мне, грешне́м, ко Го́споду Бо́гу об отпуще́нии грехо́в мои́х, и нестерпи́мыя и неутеши́мыя зубны́я боле́зни изба́ви мя моли́твами, свя́те, твои́ми.
День памяти 11/24 апреля
Принял мученическую смерть одним из первых в гонение императора Домициана. О св. Антипе, епископе Пергамском, упоминает в Апокалипсисе ап. Иоанн Богослов Откр.2:13. По смерти своей св. Антипа неоднократно являл помощь христианам, страждущим от зубной боли.
